ترى كيف تذكرهم؟

كثيرون هم من لا ينسون الاساءة

ويحملونها في قلوبهم

ليذكروك بها دائما

فيزدادو كراهيه وغضبا

وألما ربما لا تمحيه السنين

ولكن قليلون هم من لا ينسون المعروف

يحملونه في قلوبهم

فلا يزيدهم

الا اشراقا واحسانا

وحبا لا يمحوه الزمن

يارب

زمااااان

لما كنت بدعي ربنا

كنت عارفه انا بدعي ليه وعايزة ايه

وعارفه اقولو ايه واطلب منه ايه

يمكن كانت حجات تافهه او صغيره

ويمكن مش مهمه او حتى ساذجه

لكنها محدده

كنت بدعيه يارب اجيب الدرجه النهائيه

يارب ابقى مهندسه

يارب الامتحان بكرة يكون سهل

يارب بابا يوافق على اي طلب هطلبو منه

يارب الاقي تاكسي فاضي

يارب الحق المحاضره

يارب ... يارب .. حجات كتير

دلوقتي وبعد عمر طويل

اقف وقد نويت الدعاء

ولكن لا اجد ما ادعو به

لا اعرف تحديدا بماذا ادعو الله

اقف حائره وعاجزة عن صياغه الجمل

اكلم ربي احيانا لاخبره بانك يارب اعلم بما في نفسي

وانت علام الغيوب

انا مش عارفه انا عايزة ايه

بس انا عايزة حاجة وحاجة مهمه

يارب حققهالي

ايه هي انا مش عارفاها

بس اكيد انت عارف

فاهمني وحاسس بيا

لم تعد امنياتي محددة منذ مدة

لم تعد يارب اجيب عربيه ويارب انجح ويارب اسافر

اصبحت كلها يارب فقط

يارب لمجرد الدعاء

يارب لان علمه وسع كل شيء

يارب لانه عارف الخير فين

في وقت انا فقدت القدره على تحديد ما هو خير وما هو شر لي

فهو ادرى واعلم

يارب لاني عجزت عن تحديد طلباتي

يارب لانه عارف انا عايزة ايه

يارب لاني لما بتمنى شيء مش دايما بيطلع هو الاختيار الافضل

ويارب لانه لما مبيحصلش اللي بدعي انو يحصل مش دايما النتيجه بتكون وحشه

باختصار اصبح الدعاء بالنسبه لي

التوجه لله

مش مهم اتوجه له بايه

المهم اني ألجأ له وخلاص

يارب فقط لانه ربنا

:)

انتهى

سباق

تمر الايام بسرعه غريبه

فالسنه اصبحت كالشهر

والشهر كالاسبوع

والاسبوع كاليوم

واليوم كالساعه

وانا كما انا

!