ايوة انا

• 

  
  

  
  

  
  

  انا من البنات اللي بيتقال عليهم مجانين في حين ان هما شايفين ان هما منطقيين جداً  
  
  
  

  ومن البنات اللي بيتقال عنهم عاقلين في حين ان هما شايفين نفسهم قمه الجنان 

  
  
  

  ومن البنات اللي بتتكلم وتضحك بصوت عالي ومش شايفه انو عيب 
  
  
  

   ومن البنات اللي يوم ما بتحط ميك اب وتلبس كعب عالي بيبقى فرح 
  
  
  و من البنات اللي بتخرج كتير وتتاخر بره عادي

  
  
  

  ومن البنات اللي ليها صحاب ولاد يمكن اكتر من البنات 

  
  
  

  ومن البنات اللي عندها 30 سنه ولسه ما اتخطبتش وشايفه ان ده مش فارق معاها  

  
  
  

  ومن البنات اللي شايفه ان الجواز مش هو محور حياه البنت وان في حاجات تانيه مهمه برضه

  
  
  

  ومن البنات اللي  بتتضايق أما يجي لها عريس مش بتفرح !! لاقتناعها التام ان ده مش سبب يخليها تفرح
   والموضوع بقا ممل اصلا .

  
  
  

  ومن البنات اللي لما بتتعاكس بيركبها ميت عفريت ولو شافت حد بيبص لها مبتفرحش بيه ولا بنفسها
   و مش بعيد لو اتهورت تشتمه

  
  
  

  ومن البنات اللي اتحبوا كتير بس عشان هما عقلانين بزياده فمش عارفين يرتاحو و يحبو 

  
  
  

  ومن البنات اللي لما أول ما واحده صاحبتهم تتخطب او تتجوز بتعيط  من كتر الفرحه

  
  
  

  ومن البنات اللي دايما بتتسئل في المشاكل العاطفيه وتلاقي عندها حلول
   مش موجوده عند أي حد رغم انها مش مرتبطه أصلاً

  
  

  
  

  ومن البنات اللي ممكن تتنطط وتجري وتجيب حجات اطفال وتلعب لعبهم
    وتاكل مصاصه عادي وماتبقاش شايفه ان دي حاجات عيالي

  
  
  

  ومن البنات اللي ممكن تخليك تضحك في عز ضيقك بس عمرك ما هتعرف تضحكها في عز ضيقها

  
  
  

  ومن البنات اللي مبيفرقش معاها رأي الناس او كلام الناس او شكلها قدام الناس مدام هي بتعمل اللي مقتنعه بيه 

  
  
  

  ومن البنات اللي بيتقال عليهم جريئه لكن في نفس الوقت بتتكسف اكتر من اي حد في الدنيا 

  
  
  

  ومن البنات اللي ممكن ترغي معاك 10 ساعات وانت مش هتزهق منها وهتكون رغم الوقت ده كله معرفتش حاجه عنها

  
  
  

  من البنات اللي بيتقال عليهم شخصيه قويه لدرجه بتطفش الناس وهي غلبانه اخر غلب بس محدش فاهم حاجة 

  
  
  

  ومن البنات اللي ممكن لو جبت حاجه تافهه جدا تتبسط بيها جدااااااا اكتر من مليون حاجة بمليون جنيه 

  
  
  

  ومن البنات اللي مبتعيطش عالفاضيه والمليانه عشان تبان انها روهيفه وركيكه وفافي 
  
  
  
  بس لما بتعيط بتعيط بجد 

  
  
  

  
   ..  انتهى