رزق

مش كل الرزق فلوس 

مش كل الرزق جواز
مش كل الرزق ولاد

مش كل الرزق فيلل وقصور
ولاسفر وفسح 

الرزق اهل بتحبك بدون مقابل
لمه وعزوه وبيت عيله

أب وأم شقيانين عشان انت ترتاح
سهرانين عشان انت تنام
تعبانين لغايه انت ما تخف

اخ سند ليك ب يخاف عليك بجد 

اخت تشكيلها وتحكيلها وتتونس بيها 

صحاب عمر مغيرهمش الزمن

***

الرزق حد يخاف عليك 

حد حنين عليك 

حد بيتمنالك الخير 

حد ينصحك ويوجهك لو غلطت

حد يقربك من ربنا لو بعدت
حد يفهمك من غير ما تتكلم

حد يطبطب عليك وانت مهموم 

حد يشيل عنك لما تبقا مش قادر

حد يقدرك حق قدرك
حد يهتم من غير ما تطلب 

***

الرزق نومه هنيه من غير قلق 

ولقمه من ايد حد بتحبه 

وابتسامه من غريب عدى جنبك في الشارع 

ودعوة من حد متعرفهوش 

وطفل بيجري عليك اول ما يشوفك 

وحضن من حد وقت ما كنت فعلا محتاجله 
وضحكه طالعه من القلب 

وهديه او مفجأه مش متوقعها 

وصدفه اجمل من مليون معاد 

:)